-
5% dto.
-
-
-
Unidad(es)
-
Caracteristicas
- Páginas: 260
- Formato: 26x19x9,00 cm
- Fecha Edición: 2021
- Edición: 26042021
- Idioma: Otras lenguas.
- Encuadernación: Tapa blanda o Bolsillo - Cosido.
- Peso: 0,25 kg.
-
Dibujo desde que tengo memoria/ Gogoratzen naizenetik marrazten dut
Entrevistas con ilustradoras vascas/ Euskal ilustratzaileekin elkarrizketan
-
9788409282982
-
-
-
-
-
-
Ilustrazio eta ilusio hitzek ez dute halabeharrez hainbeste letra komunean
Bi kontzeptu horiexek ematen diote hasiera, hain zuzen ere, liburu honi. Nik ilustrazioan daukadan interesa hizkuntza unibertsal batekiko jakin-min baten gisa itzul liteke. Zorte eta inbidia moduko bat da, erabateko hizkuntza bat aurkitu izanagatik, hizkuntza argia publiko zabal batentzat. Hizkuntzalaria naizelarik, eta ulertua izateko hainbat gorabehera bizi izan ondoren, ilustrazioak liluratu eta xarmatu egiten nau, emozioak, gogo-aldarteak eta ekintza azaltzeko duen gaitasun horrengatik. Edozein filologiaren jarraitzaile batek aditz-taulak ikasten edo testu bat behin eta berriz irakurtzen esanahiari antzeman nahian pasatzen dituen gau guztiei emandako erantzuna da. Gramatika da, koloretan eta formetan adierazia. Hizkuntza oso bat da, eta artista bakoitzak berea du. Ilustrazio bat ikustea plazer bat da, plazer bat da ilustrazio bati so egotea.
Kordoban, 2013. urtean, Candela Sierra ezagutu nuelarik –gizakiari dagokion guztia paperean irudikatzeko dohain ukaezina duen lagun bat–, izan nuen aurrenekoz ilustratzaile baten lanari gertutik behatzeko aukera, eta ulertu ahal izan nuen hark egin behar dituen urratsen eta hartu behar dituen erabakien konplexutasuna. Hainbat hilabetez ikusi ahal izan nuen Candelak nola garatzen zituen bere ideiak, eta nola marrazten zituen protagonistak eta haien konposizioak, fisionomiaren elementu bakoitza eta kokatuak zeuden testuinguruaren sinbologia aztertuz. Haren zehaztasunak eta arretak botanikariak gogorarazten zizkidaten, hain inplikatuak beti beren estudiotik kanpo ikusten duten guztia marrazten. Konturatu nintzen bere bizimoduagatik miresten nuela Candela batez ere, zintzoa, arduratsua eta bizia baitzen. Ilustrazioari esker, Candela modu beteagoan bizi zen, eta gustatu zitzaidan prozesu haren behatzaile isila izatea.
Harrezkero zabalduz joan nintzen liburu ilustratuen bildumei eta artistei buruz nituen ezagutzak. Ilustrazioz betetzen hasi zen nire mugikorreko argazki-albuma, modu inkontziente eta obsesiboan hasi nintzen nire familiari eta lagunei artelanak oparitzen; denbora librea artistek nola lan egiten zuten, zein ziren beren teknika eta gai errepikakorrenak azaltzen, edo beren liburu gogokoenei buruz mintzatzen ziren liburuak irakurtzen eta dokumentalak ikusten ematen nuen. Interesatzen zitzaidan gauza zen, baina modu sotil batean bizi zen neure baitan, mirespen eta isiltasun barea besterik eskatzen ez duen maitale platoniko bat balitz bezala.
Eta gero Euskal Herrira etorri nintzen. Atzean utzi nuen Toledoko meseta, eta asteburuko bidaia pare batean bakarrik ezagutu nuen lur horretan hasi nintzen bizitzen. 2017an Donostian erroldatu nintzen, eta, aurrenekoz denbora askoan, etxean bezala sentitu nintzen. Banuen ibai bat hemen nire hirian dauzkadanen antzekoa, dena berdea zen, baziren industrialde batzuk ere, eta horrek guztiak Wrocław-en edo Poloniako Silesiako beste hiriren batean egongo banintz bezala sentiarazten ninduen. Sorpresa bakarra izan nuen, sorpresa atsegina, itsasoaren hurbiltasuna.
Gero eta gehiago miresten nuen euskal paisaia ederra, eta, aldi berean, nire herrikideen antz harrigarria zuten pertsona gehiago ezagutzen ari nintzen. Nire familiak ere baieztatu zuen hura, eta orduan bakez bete nintzen. Egin zizkidaten bisitaldietako batean, ordurako ohi nuen bezala, ilustrazio batzuk erosiko nizkiela erabaki nuen, orduko hartan Euskal Herriko artista batena. Maite Gurrutxagaren ilustrazioak aukeratu nituen, jakin gabe Artzain Onaren katedralaren ondoan elkartu ginen une hura, lanak zuzenean eman baitzizkidan, gure adiskidetasunaren eta liburu honen abiapuntua izango zela.
Hala, harrezkero, ikerketak hasi eta nire bigarren aberriko ilustratzaile onenak biltzeko ideia bat bururatu eta hazi zen nigan, gero ikusi zen bezala, talentu harrigarria zuten artistek ordezkatzen zuten lanbidearen errespetuz eta maitasunez. Elkarrizketa gehienak 2020an idatzi ziren; urte egiaz bitxia baina adierazgarria.
Hala ere, buruan nituen ia artista guztiak elkarrizketatzea lortu nuen, eta biziki eskertu nahi dizkiet beren esperientziak partekatzeko gogoa eta nigan jarri duten konfiantza. Eibarren idatzi nuen liburua, askotan ohean, lanetik itzuli ondoren maiz; eta elkarrizketak, berriz, liburutegietan, tabernetan, jatetxeetan, Interneten bidez, parkeetan, paseoan, zutik, eserita, ardoa eta txakolina edanez egin nituen. Idatzi nuen ikaragarri gustatzen zaizkidalako artista hauek, beren lana, beren arreta, eta haiei esker ametsik ederrenek ilustraturiko etxe batean bezala sentitzen naizelako, nahiz eta nekez izango zuen inork halako amets ederrik.
El libro pertenece a los siguientes catálogos